Şu gün ― günüň ikinji ýarymynda Türkmenistanyň futbol boýunça milli ýygyndysy ertir KHDR-nyň ýygyndysy bilen boljak duşuşygyň öňýanyndaky türgenleşiklerini geçirdi. Türgenleşikler «Köpetdag» stadionynda boldy.
Toparlar 14-nji noýabrda «Köpetdag» stadionynda duşuşarlar. Dünýä çempionaty ― 2022-niň saýlama tapgyrynyň çägindäki bu duşuşyk sagat 16:00-da başlanar.
Yzda galan üç duşuşykdan soňra Türkmenistanyň futbol ýygyndysy 3 utuk bilen toparçada dördünji orny eýeleýär. 7 utukly Günorta Koreýa bilen KHDR «H» toparçanyň başyny çekýär.