Lebap welaýatyň maldarlary Garagumda we Gyzylgumda bakylýan mallary gyş örülerine geçirdiler. Şu ýyl 400 müňe golaý dowary göwnejaý gyşlatmak üçin ätiýaçlyk otlaryň-da ýeterlik gory döredildi. Olary mallaryň gyşlajak ýerine daşamak işleri şu günler ýörite hünärmenleriň gözegçiliginde alnyp barylýa ― diýip, «Türkmenistan» gazeti habar berýär.
Aglaba bölegi ýumşak çöl otlaryndan taýýarlanan ätiýaçlyk otlaryň bir bölegi bolsa iri şahly mallaryň gyşladyljak ýerlerine daşaldy. Maldarçylyk hojalyklarynyň öz girdejileriniň hasabyna ýakyndan kömek-goldaw bermegi bilen çopan-çoluklar, olaryň kömekçileri kaşarlaryň we mal ýataklaryň 138-sini doly abatladylar. Gyşyň gar-ýagyşly günlerinde hem mallar horlanmaz ýaly zerur bolan şertler döredildi. «Lebapörisuw» abatlaýyş, ulanyş edarasynyň işgärleri bolsa öri meýdanlardaky guýulary gözden geçirmek bilen, olary zerur bolan gurallar, şaýlar bilen üpjün etdi.
