Dünýä çempionaty 2020-niň saýlama tapgyrlaryna taýýarlyk görýän Türkmenistanyň milli ýygyndysy türgenleşik işlerini ýaýbaňlandyrdy ― diýip, Türkmenistanyň Futbol federasiýasynyň resmi saýty habar berýär.
Paýtagtymyzdaky “Sport” myhmanhanasynda düşlän milli ýygyndymyzyň türgenleşik işleri “Nusaý” stadionynda geçirilýär.
8-nji noýabrda badalga alan Ante Mişeniň tälim berýän ýygyndy toparymyzyň türgenleşikleri günde bir wagtyna geçirilýär.
Ýeri gelende bellesek, dünýä çempionaty – 2022-niň saýlama oýnunyň bäşinji tapgyrynyň çägindäki duşuşyk 14-nji noýabrda geçirilip, onda Türkmenistanyň futbol boýunça milli ýygyny topary KHDR-iň ýygyndy toparyny kabul eder. 19-njy noýabrda bolsa Türkmenistanyň futbol boýunça milli ýygyndy topary altynjy tapgyryň çäginde Şri-Lankanyň milli ýygyndy toparyny kabul eder.
16:00-da başlanjak duşuşyklaryň ikisi-de paýtagtymyzdaky “Köpetdag” stadionynda geçiriler.