4-nji oktýabrda Türkmenistanyň Prezidenti Ministrler Kabinetiniň giňişleýin mejlisini geçirdi. Onuň gün tertibine döwlet durmuşyna degişli birnäçe wezipeler girizildi. Mejlisiň barşynda Türkmenistanyň Prezidenti Permana gol çekdi. Resminama görä, Hatyra gününiň dynç gününe düşýändigi sebäpli, şeýle hem Türkmenistanyň Zähmet kodeksiniň 81-nji maddasynyň ikinji bölegine laýyklykda, 2019-njy ýylyň 6-njy oktýabryndaky dynç güni 7-nji oktýabra - duşenbe gününe geçirildi. Bu barada “Watan” habarlar gepleşiginde (4.10.2019) habar berildi.
