Eýranly türkmen Serdar Azmun Sankt-Peterburgyň «Zenidiniň» Ýewropanyň Çempionlar ligasynda Portugaliýanyň «Benfikasyny» ýeňmegine goşandyny goşdy. «Zenidiň» meýdanynda geçirilen duşuşyk Sankt-Peterburgyň toparynyň 3:1 hasabyndaky ýeňşi bilen tamamlandy. Ýer eýeleriniň üçünji pökgüsini 78-nji minutda eýranly türkmen Serdar Azmun geçirdi. Şeýlelikde, ol «Zenidiň» şu möwsümde geçiren ähli ýaryşlaryndaky 13-nji duşuşygynda 6-njy gezek tapawutlandy.
Ýewropanyň Çempionlar ligasynyň ikinji tapgyrynyň ikinji gününde geçirilen beýleki duşuşyklaryň netijesi:
E toparça: «Genk» (Belgiýa) — «Napoli» (Italiýa) 0:0; «Liwerpul» (Angliýa) — «Zalsburg» (Awstriýa) 4:3;
F toparça: «Slawiýa» (Praga, Çehiýa) — «Borussiýa» (Dortmund, Germaniýa) — 0:2; «Barselona» (Ispaniýa) — «Internasionale» (Milan, Italiýa) — 2:1
G toparça: «Zenit» (Sankt-Peterburg, Rossiýa) — «Benfika» (Lissabon, Portugaliýa) — 3:1; «RB Leýpsig» (Germaniýa) — «Olimpik Lion» (Fransiýa) — 0:2;
H toparça: «Walensiýa» (Ispaniýa) — «Aýaks» (Amsterdam, Niderlandy) — 0:3; «Lill» (Fransiýa) — «Çelsi» (London, Angliýa) — 1:2.
