«Türkmenistan: Sport» teleýaýlymy Ýewropanyň we dünýäniň öňdebaryjy futbol çempionatynyň duşuşyklaryny göni ýaýlymda alyp bermegini dowam etdirýär.
Şu hepde ýaýlym Italiýanyň çempionatynyň 7-nji tapgyrynyň merkezi oýnuny ― «Inter» ― «Ýuwentus» duşuşygyny hem öz meýilnamasyna goşdy. Duşuşyk 6-njy oktýabrda 23:55-de başlar.
Şeýle hem şu hepde türkmenistanly futbol janköýerlerine Ýewropanyň «Milan», «Walensiýa», «Napoli» ýaly öňdebaryjy toparlarynyň duşuşyklaryna göni ýaýlymda tomaşa etmek mümkinçiligi garaşýar. Türkmenistanyň Futbol federasiýasynyň resmi saýtynda teleýaýlymda 4 ― 6-njy oktýabr aralygynda görkeziljek duşuşyklar şu tertipde hatarlanýar:
4.10.2019, La Liga ― Ispaniýa, Real Betis ― Eýbar, 23:55;
4.10.2019, La Liga ― Ispaniýa, Walensiýa ― Alawes, 21:25;
5.10.2019, Seria A ― Italiýa, Ženoa ― Milan, 23:40;
5.10.2019, Seria A ― Italiýa, Fiorentina ― Udineze, 15:25;
6.10.2019, Seria A ― Italiýa, Torino ― Napoli, 20:55;
6.10.2019, Sera A ― Italiýa, Internasional ― Ýuwentus, 23:55.
