Döwrebap şäherçede binalaryň we desgalaryň uly toplumy gurulýar. Hususy kärhanalaryň we telekeçileriň 20-ä golaýynyň işjeň gatnaşmagynyň netijesinde gurluşyk işleriniň depgini ýokarlanýar. Şäherçede binalaryň 7-siniň gurluşygy tamamlandy ― diýip, «Jeyhun.news» ýazýar.Olar aragatnaşyk bölüminiň, süýdi gaýtadan işleýän we alkogolsyz içgileri taýýarlaýan zawodlaryň, awtoulaglara hyzmat ediş nokadynyň, azyk önümleri dükanlaryň 2-siniň, maldarçylyk fermasynyň binalarydyr. Gurluşygynyň şu ýylyň aýagyna tamamlanmagyna ynam bildirilýän täze şäherçäniň ilatynyň ýokary hilli içimlik suw bilen üpjünçiligi hem göz öňünde tutuldy. Şu maksat bilen bir gije-gündiziň dowamynda 10 müň kub metr suwy arassalap sarp edijilere paýlamaga niýetlenilen suw arassalaýjy desga gurulýar. Ony „Demir gap“ hususy kärhanasy gurýar. Gurluşygyň tamamlaýjy tapgyryna girişildi.
