30-njy awgustda Türkmenistanyň dindarlarynyň maslahaty geçirildi. Oňa welaýatlardan we Aşgabat şäherinden din işgärleri, il sylagly ýaşulular gatnaşdylar.
Maslahatyň dowamynda guramaçylyk meseleleriniň birnäçesine garaldy. Bu ugurda wezipeleriň ýerlerini üýtgetmek ýörelgesine eýerilip, Türkmenistanyň müftüsi wezipesine Lebap welaýatynyň baş ymamy Ý.Hojagulyýew geçirildi. Şunlukda, Lebap welaýatynyň baş ymamy wezipesine Ahal welaýatynyň baş ymamy W.Işangulyýew geçirildi. Şeýle hem Ahal welaýatynyň baş ymamy wezipesine Gökdepe etrabynyň baş ymamy T.Jemşidow geçirildi.