Ispaniýanyň Walensiýa şäherinde “La Tomatina” pomidor festiwaly geçirildi. Dabaraly ýagdaýda geçirilen baýramçylyga dünýäniň beýleki ýurtlaryndan hem myhmanlar bardy. Bu üýtgeşik şüweleň 1945-nji ýyldan bäri her ýylyň awgust aýynyň soňky çarşenbesinde geçirilýär. Festiwalyň çäklerinde bellenen ýere ýygnanan mähelle bir-birlerine pomidor zyňyşýarlar. Festiwalyň ahyrynda oňa gatnaşanlaryň üstüne suw pürkülýär. Şüweleňe gatnaşmak üçin her ýylda 20 müňden gowrak adam bu şähere barýar.
