«Hanoýyň» 32 ýaşly senegally hüjümçisi Pap Omar Faýe AFK-nyň Interzolagynyň ýarym finalynda «Altyn asyr» bilen geçirilen duşuşykdan soňra «Türkmenportala» öz pikirlerini beýan etdi:
«Gowy oýun boldy. «Altyn asyr» ― örän gowy topar. Biz özümiziň iň gowy oýnumyzy görkezdik, bu ýeňil bolmady. Deňme-deň oýnadyk, ýöne ýaryşy dowam etdirmäge-de hukuk gazandyk. Iki topar hem gowy oýnady. Men «Hanoýyň» tälimçisine juda uly hormat goýýaryn. Biz onuň oýun usulyna laýyk hereket etdik. Şol usul bilen hem öňe gideris ― diýip, Pap Omar Faýe geljege umyt bildirdi.
