«Hanoýyň» 26 ýaşly ugandaly ýarym goragçysy Mozes Oloýýa AFK-nyň kubogynda «Altyn asyr» bilen geçirilen duşuşykdan soňra «Türkmenportala» oýun bilen bagly garaýyşlaryny beýan etdi:
― Biz ýaryşyň indiki tapgyryna geçdik. Biz ýeňiş gazanmagy örän isledik. Munuň üçin toparymyz sazlaşykly we oňat oýny orta goýdy. Bizde bu ýaryşda has ileri gitmek maksady bar. «Altyn asyr» hem gowy oýnady. Özümize nätanyş meýdanda oýnamak biziň üçin hem ýeňil däl. Garşydaşlarymyzda janköýerleriň goldawy hem bar. Ýöne biz maksat eden netijämize gowuşdyk. Kyn boldy, ýöne ýaryşy dowam etdirmäge hukuk gazandyk.
