Türkmenistanyň Milli elektron sporty federasiýasy öz resmi saýtynda kibersport boýunça 2019/2020-nji ýyllaryň çempionatyna gatnaşjaklaryň bellige alynýandygyny habar berdi. Çempionat Dota 2, Pro Evolution Soccer we Counter-Strike: Global Offensive boýunça geçiriler.
Ýaryşyň düzgünleri we gatnaşyjylardan bildirilýän talaplar barada federasiýanyň saýtynda doly maglumat berilýär. Täze möwsümiň ýaryşlaryna 25-nji sentýabrda badalga berler we olar 15-nji oktýabra çenli dowam eder. Duşuşyklar federasiýanyň TWITCH kanalynda göni ýaýlymda görkeziler.
Ýaryşlaryň ýeňijileriniň WESG Mid Asia-nyň Gazagystanda geçiriljek saýlama tapgyryna gatnaşmaga hukuk gazanjakdygyny ýatladýarys. Bu ýerde biziň ildeşlerimiziň garşydaşlary Gyrgyzystanyň, Täjigistanyň, Özbegistanyň we ýer eýeleriniň wekilleri bolar.
