Ýurdumuzy 2018-nji, 2024-nji ýyllarda durmuş ykdysady taýdan ösdürmegiň maksatnamasyna laýyklykda, ýakyn 7 ýylda ýurdumyzda öndürilýän elektrik energiýasynyň möçberini 33 mlrd kilowat sagada çenli ýetirmek meýilleşdirilýär. Türkmen elektrik energiýasyny Owganystanyň demirgazyk etraplaryna ibermegiň ýene bir ugry açyldy. Bu taslamany amala aşyrmak üçin ägirt uly işler ýerine ýetirildi. Hünärmenlerimiz elektrik üpjünçilik desgalarynyň birnäçesini, şol sanda elektrik bekedini hem-de uzynlygy 112 kilometr bolan elektrik geçiriji ulgamyny gurdylar.
