«Türkmenaragatnaşyk» agentliginiň «Altyn asyr» futbol toparynyň oýunçylary AFK-nyň kubogyndaky gollarynyň sanyny 50-den geçirdiler. Yklym ýaryşyna ilkinji gezek 2015-nji ýylda gatnaşan Ýazguly Hojageldiýewiň şägirtleri bu sepgide 31 duşuşykda ýetdiler.
«Hanoý» ― «Altyn asyr» (3:2) duşuşygynyň 4-nji minudynda Myrat Ýagşyýewiň geçiren pökgüsi «Altyn asyryň» yklymyň ikinji derejeli ýaryşyndaky 50-nji goly hökmünde hasaba alyndy. Hüjümçiniň özi bolsa yklym ýaryşynda 13-nji goluny geçirdi.
Ýeri gelende, «Altyn asyryň» geçen ýyl bu ýaryşyň finalyna çenli üstünlikli baryp ýetendigini ýatladýarys.