Surat: Спорт-Экспресс.
Türkmenistanyň ýeňil atletika boýunça milli ýygyndysy halkara ýaryşlara taýýarlygyň çäklerinde Moskwa şäherinde okuw-türgenleşik ýygnanyşygyny geçýär. Ýygnanyşyk 25-nji awgusta çenli dowam eder.
Ýygnanyşyk "Izmaýlow" sport toplumynyň we Znamenskiý adyndaky Olimpiýa merkeziniň çäginde geçirilýär. Biziň türgenlerimizi 2017-nji ýylda dünýäniň çempiony bolan meşhur sport wekili, tälimçi Ramil Guliýew türgenleşdirýär.
Okuw-türgenleşik ýygnanyşygyna ýeňil atletikanyň dürli görnüşleri boýunça 7 türgen çagyryldy. Olar şu türgenlerdir:
Alyşer Daullaýew - 100 we 200 metr aralyga ylgamak;
Mergen Mämmedow - çekiç zyňmak;
Amanmyrat Hommadow - çekiç zyňmak;
Walentina Meredowa - 100 metr aralyga ylgamak;
Irina Welihanowa - ýedigörnüş;
Şirgeldi Utamyşow - beýiklige bökmek;
Jennet Muhamowa - naýza zyňmak.