"Awaza" Milli syýahatçylyk zolagynda birinji Hazarýaka ykdysady forumyna taýýarlyk görülýän günlerinde türkmen türgenleri deňziň demirgazyk kenarynda - Astrahan şäherinde geçirilýän halkara ýaryşa gatnaşýarlar. "Hazar kubogy" diýlip atlandyrylýan we Hazarýaka döwletleriniň arasynda geçirilýän halkara ýaryşa Türkmenistanyň futbol boýunça ýetginjekler ýygyndysy, ýagny 2007-nji ýylda doglan futbolçylar gatnaşýar. Türkmen futbolçylary ýaş tälimçi Eziz Annamuhammedowyň ýolbaşçylygynda ýaryşar.
"Hazar kubogyna" gatnaşmak üçin ýetginjek futbolçylaryň 15-den gowragy milli ýygyndynyň hataryna çagyryldy. Saýlanyp alnan türgenleriň aglabasy ýetginjekleriň arasynda birinji derejäniň eýeleridir. Halkara ýaryşyň duşuşyklary 7 - 11-nji awgust aralygynda "Wolgar" sport toplumynda geçirilýär. Halkara ýaryşda gazanyljak her bir ýeňiş, geçiriljek her bir pökgi türkmen türgenlriniň taryhy foruma özboluşly goşandyna öwrüler.
