Awgust aýynyň 14-üne, ýagny geljek hepdäniň çarşenbe güni “Liwerpul” bilen “Çelsiniň” arasynda oýnaljak UEFA Super kubogy duşuşygyna fransiýaly zenan Stefani Frappar eminlik eder. Geçen aýda ABŞ bilen Gollandiýanyň arasyndaky zenanlar Dünýä Kubogynyň finalynda-da jürlewük çalan 35 ýaşyndaky Flappar UEFA-nyň erkekleriň arasyndaky iri ýaryşlarynda eminlik etjek ilkinji zenan bolar. Bu taryhy duşuşykda oňa Flappara fransiýaly Manuela Nikolosi bilen irlandiýaly Mişell O’Neil ýardam berer. Oýnuň 4-nji emini-de türkiýeli Jüneýt Çakyr bolar. Çempionlar ligasynyň çempiony “Liwerpul” bilen Ýewropa ligasynyň ýeňijisi “Çelsiniň” arasyndaky final duşuşygy 14-nji awgustdan 15-ine geçilýän gije Stambuldaky “Beşiktaş Park” stadionynda oýnalar.
