Türkmenistanyň ýetginjekler ýygyndysy (U16) Merkezi-Aziýanyň Futbol Assosiasiýasynyň (CAFA) çempionatynyň soňky tapgyrynda özbegistanly deň-duşlaryndan 4:0 hasabynda ýeňlişe sezewar boldy diýip, TFF-niň resmi saýty ýazýar.
Bu tapgyryň beýleki duşuşyklarynda Eýranyň ýygyndysy gyrgyzystanly deň-duşlaryny 5:0 hasabynda ýeňlişe sezewar etdi. Täjigistanyň ýygyndysy bolsa öz gezeginde Owganystanyň ýygyndysyny 1:0 hasabynda ýeňlişe sezewar etdi.
Şeýlelikde, geçirilen bäş tapgyrdan soň 13 utuk toplan Täjigistanyň ýygyndysy CAFA-nyň çempionatynyň ýeňijisi bolmagy başardy.
10 utuk toplan Özbegistanyň ýygndysy ikinji, 9 utugy bolan Eýranyň ýygyndysy üçünji baýrakly orunlary eýelediler.
Owganystanyň ýygyndysy (7 utuk) çempionaty dördünji orunda tamamlady. Türkmenistanyň ýygyndysy toplan 3 utugy bilen bäşinji, 1 utugy bolan Gyrgyzystanyň ýetginjelker ýygyndysy altynjy orunlarda ornaşdylar.
CAFA-nyň çempionatynyň Türkmenistanyň, Täjigistanyň, Eýranyň, Özbegistanyň, Gyrgyz Respublikasynyň hem-de Owganystanyň ýetginjekler ýygyndylarynyň (U16) gatnaşmagynda geçirilýändigini ýatladýarys.