Bolgariýada okuw-türgenleşik ýygnanyşygyny geçirýän futbol boýunça Türkmenistanyň zenanlar ýygyndysy ýerli “National Sports Academy” futbol kluby bilen duşuşdy. Bolgariýanyň paýtagty Sofiýa şäherinde geçirilen duşuşygyň aglaba bölegini hüjümde oýnan milli ýygyndymyz 4:2 hasabynda ýeňiş gazanmagy başardy. Ýygyndy toparymyzyň düzüminde Mariýa Çaryýewa (2), Ejeş Amanmuhammedowa hem-de Bagtygül Gurbanowa dagy tapawutlanmagy başardylar - diýip, Türkmenistanyň Futbol federasiýasy habar berýär.
Kamil Mingazowyň türgenleşdirýän ýygyndy toparynyň okuw-türgenleşik ýygnanyşygy 24-nji iýula çenli dowam eder.
Ýygyndy toparymyzyň tälimçiler düzüminiň türgenleşik ýygnanyşygynda oýunçylaryň 19-syny gözden geçirýändiklerini ýatladýarys.
