Zenanlaryň arasynda geçirilen futbol boýunça 8-nji Dünýä çempionatynda ýene-de amerikaly gyzlar çempionlyk gazandy. Fransiýada geçirilen çempionatyň finalynda ABŞ-nyň ýygyndysy ilkinji sapar finalda oýnan Gollandiýany 2-0 hasabynda utdy. Gollary 61-nji minutda penaltiden Rapinou bilen 69-njy minutda Lawell derwezä gönükdirdi. Bu amerikanlaryň yzly-yzyna 2-nji, umumylykda-da 4-nji çempionlygydyr. Dünýä çempionatynda 4 çempionlyk gazanan ABŞ-ly gyzlar 1 gezek finalda utuldy, 3 saparam 3-nji orny eýeledi. Ýaryşda Angliýany 2-1 ýeňen Şwesiýanyň gyzlar topary 3-nji gezek bürünç medala eýe boldy. Çempionatyň iň ökde oýunçysy diýlip (“Altyn top”), ABŞ-nyň ýyldyz oýunçysy, toparyň kapitany Megan Rapinou saýlandy. 6 pökgi geçiren Rapinou “Altyn butsy” baýragyna-da mynasyp boldy.
