Düýn geçirilen Çili - Urugwaý (0:1) we Ekwador - Ýaponiýa (1:1) duşuşyklaryndan soňra, Kopa Amerikada çärýek finala çykan ýygyndylar we geçiriljek duşuşyklaryň tertibi gutarnykly kesgitlendi.
"Championat.asia" saýtynyň ýazmagyna görä, 28-nji iýun güni daňdan 5:30-da Braziliýa bilen Paragwaý duşuşar. Şol gün ýarygije Wenesulla bilen Argentina, 29-njy iýunda daňdan 4-de Kolumbiýa bilen Çili, ýarygije Urugwaý bilen Peru duşuşar.
Eger çärýek finaldan üstünlikli geçip bilseler, ýarym finalda Braziliýa - Argentina duşuşygyna tomaşa edip bileris.
Kopa Amerika - 2019-a gatnaşan yklymdaşlarymyz Ýaponiýa bilen Katar toparçalaýyn tapgyrdan geçip bilmediler.