Aşgabatda Germaniýanyň "SAP SE" kompaniýasynyň wekilleri bilen işewürlik duşuşyklary geçiriler

11-nji iýun­da Türk­me­nis­ta­nyň Söw­dase­na­gat eda­ra­sy­nyň mej­lis­ler za­lyn­da «Türk­men-Tran­zit» ho­ja­lyk jem­gy­ ýe­ti­niň we Türk­me­nis­ta­nyň Söw­dase­na­gat eda­ra­sy­nyň bi­le­lik­de gu­ra­mak­la­ryn­da işe­wür­lik du­şu­şy­gy ge­çi­ri­ler. Oňa Ger­ma­ni­ýa­nyň dün­ýä bel­li «SAP SE» kom­pa­ni­ýa­sy­nyň tej­ri­beli, us­sat hü­när­men­le­ri we ýol­baş­çy­la­ry ça­gy­ryldy. Şeý­le hem du­şu­şy­ga Türk­me­nis­ta­nyň Ma­li­ýe we yk­dy­sa­dy­ýet mi­nistr­li­gi­niň, Döw­let sta­tis­ti­ka mü­dir­li­gi­niň, Döw­let sal­gyt gul­lu­gy mü­dir­li­giniň, «Türk­mens­tan­dart­la­ry» döw­let gul­lu­gy­nyň, «Halk­bank» DTB-niň, «Rys­gal­bank» PTB-niň, Türkmenistanyň Senagat we kommunikasiýa ministrliginiň «Ara­gat­na­şyk» agent­li­gi­niň we TS we TB-niň hü­när­men­le­ri gat­na­şar­lar. Du­şu­şy­gy ge­çir­me­giň mak­sa­dy da­şa­ry ýurt­ly we­kil­le­riň we ýer­li eda­ra-kär­ha­na­la­ryň ara­syn­da gel­jek­ki ikita­rap­la­ýyn bäh­bit­li hyz­mat­daş­ly­gy mas­la­hat­laş­ mak­dan, iş tej­ri­be­le­ri dog­ru­syn­da pi­kir alyş­makdan we öza­ra bäh­bit­li gat­na­şyk­la­ry ös­dür­me­giň ugur­la­ry­ny kes­git­le­mek­den yba­rat­dyr - diýip, "Biznes reklama" gazeti habar berýär.

Mä­lim bol­şy ýa­ly, döw­let Baş­tu­ta­ny­my­zyň baş­lan­gyç­la­ry bi­len şu ýyl ýur­du­myz­da san­ly teh­no­lo­gi­ýa­la­ry iş­jeň or­naş­dyr­mak bel­le­nil­di. Hut şu mak­sat­dan ugur alyp, hä­zir­ki gün­ler­de ýur­du­my­zyň bir­nä­çe eda­ra-kär­ha­na­la­ry ösen ýurt­la­ryň üs­tün­lik­li or­naş­dy­ry­lan san­ly hö­kü­ met tej­ri­be­si­ni öw­ren­ýär­ler. Ýur­du­myz­da dün­ýä bel­li, öň­de­ba­ry­jy IT kom­pa­ni­ýa­la­ryň gat­naş­magyn­da yzy­gi­der­li dür­li fo­rum­lar, ta­nyş­dy­ry­lyş çä­ re­le­ri, kon­fe­ren­si­ýa­lar ge­çi­ril­ýär.

Mil­li yk­dy­sa­dy­ýe­ti­mi­zi san­ly ul­ga­ma ge­çirmek hor­mat­ly Pre­zi­den­ti­miz ta­ra­pyn­dan stra­tegik me­se­le hök­mün­de öňe çy­ka­ryl­dy. Şol se­bäp­li, san­ly yk­dy­sa­dy­ýe­ti ös­dür­mek mak­sat­ly 2019 — 2025-nji ýyl­lar üçin tas­syk­la­nan kon­sep­si­ýa la­ ýyk­lyk­da, mil­li yk­dy­sa­dy­ýe­ti­mi­ze di­wer­si­fi­ka­si­ýa ýo­ly bi­len san­ly ul­ga­my or­naş­dyr­mak­da, elekt­ron se­na­ga­ty­ny ös­dür­mek­de we öň­de­ba­ry­jy döw­le­te öwür­mek­de giň ge­rim­li iş­ler ge­çi­ril­ýär.

Ýo­kar­da ady ag­za­landu­şu­şy­ga tas­syk­la­nankonsep­si­ýa­ny üs­tün­lik­li or­naş­dyr­mak mak­sa­dy bi­len, «Türk­men-Tran­zit» ho­ja­lyk jem­gy­ýe­ti ta­ra­pyn­dan ça­gy­ry­lan Ger­ma­ni­ýa­nyň dün­ýä bel­li «SAP SE» kom­pa­ni­ýa­sy­nyň we­kil­le­ri san­ly yk­dy­sa­dy­ýet we elekt­ron res­mi­na­ma­lar do­la­ny­şy­gy üçin döw­le­te da­hyl­ly hem-de hu­su­sy kär­ha­na­la­ra ni­ýet­le­nen top­lum­la­ýyn ta­kyk çöz­güt­le­ri­nitek­lip eder­ler.

Ger­ma­ni­ýa­nyň «SAP SE» kom­pa­ni­ýa­sy biznes-pro­ses­le­riň köp ugur­la­ryn­da dün­ýä bel­li li­der­le­riň bi­ri bo­lup, dün­ýä­de 183.000-e go­laý müş­de­ri­si bar. Kä­bir ha­sap­la­ma­la­ra gö­rä, «SAP SE» kom­pa­ni­ýa­sy­nyň çöz­güt­le­ri­ni 12 mil­lio­na go­laý ula­ny­jy ulan­ýar, bu bol­sa her ugur üçin neti­je­li, tiz we ýe­ňil iş­le­mä­ge ýar­dam ber­ýär. Kompa­ni­ýa­nyň san­ly ul­gam­da we elekt­ron res­mi­nama­lar do­la­ny­şy­gyn­da uly tej­ri­be­si bar. «SAP SE» kom­pa­ni­ýa­sy­nyň çöz­güt­le­ri äh­li mag­lu­mat­laryň howp­suz­ly­gy­na ga­bat gel­ýär we dur­muş­da üs­tün­lik­li ulan­ma­ga müm­kin­çi­lik­ler ber­ýär.

Ýur­du­myz­da hor­mat­ly Pre­zi­den­ti­mi­ziň san­ly ul­ga­my üs­tün­lik­li or­naş­dyr­mak mak­sat­ly tab­şyryk­la­ry­ny ýe­ri­ne ýe­tir­mek mak­sa­dy bi­len ge­çiril­jek bu du­şu­şyk öň­de goý­lan we­zi­pe­le­ri maksa­da­la­ýyk dur­mu­şa ge­çir­mä­ge oňyn iter­gi be­rer.