Ýurdumyzyň ýokary okuw mekdepleriniň arasynda dürli dersler boýunça 1-nji açyk internet olimpiadasy geçirildi. Ol degişli ugurdaky täze ösüşleriň gazanylmagy bilen berk baglanşyklydyr. 
Türkmenistanyň Jemagat hojalygy institutynyň guramagynda ýurdumyzyň ýokary okuw mekdepleriniň talyplarynyň gatnaşmagynda 1-nji açyk internet olimpiadasynyň 1-nji tapgyry geçirildi. Talyplar nazary mehanika, fizika, ekologiýa dersleri boýunça bäsleşdiler. Internet olimpiadasy Milli Liderimiziň Türkmenistanda sanly bilim ulgamyny ösdürmegiň konsepsiýasyny iş ýüzinde durmuşa geçirmegiň aýdyň mysaly bolmak bilen bir hatarda ýaşlaryň döredijilik, ukyp başarnyklaryny ýüze çykarmaga, olarda ylmy gözleglere, täze täsin taslamalary durmuşa geçirmäge höwes döredýär. Sanly tehnologiýalara esaslanýan ylyma gönükdirilen döredijilik çäreleriniň geçirilmegi bu ugurda sanly maglumat kommunikasiýa tehnologiýalaryny ulanmagyň mümkinçilikleriniň giňeldilmegi, zehinli talyplaryň ders we taslama bäsleşiklerinde köpçülikleýin gatnaşmagyny üpjün edýär. Açyk internet olimpiadasynyň nazary mehanikasy boýunça Türkmen döwlet Binagärlik we Gurluşyk institutynda geçen tapgyry ýokary netijelere beslendi. Ylmy döredijilik bäsleşigi Türkmenistanyň okgunly ösýän bazar ykdysadyýetiniň innowasion tehnologiýaly pudaklary üçin hünärmenleri taýýarlamaga giň şertleri döredýär. Magtymguly adyndaky Türkmen döwlet uniwersitetinde geçirilen dabara matematika boýunça halkara açyk internet olimpiadasynda ýeňiş gazanan talyplary sylaglamak bilen bagly boldy. Mälim bolşy ýaly Russiýada tamamlanan internet olimpiadasynda Halkara Ynsanperwer ylymlary we ösüş uniwersitetiniň, Halkara gatnaşyklary, Oba hojalyk uniwersitetiniň talyplary 1 altyn, 3 kümüş, 1 bürünç medaly eýelediler.
