Aşgabatda "Altyn asyr" bilen "Hujandyň" arasynda geçirilen duşuşykdaky ýeke-täk goluň awtory we duşuşygyň iň gowy oýunçysy Myrat Ýagşyýew bilen gysgaça söhbetdeşlik.
– Myrat, ýeňiş pökgüsiniň awtory hökmünde, şol gol barada öz agzyňyzdan eşidäýsek.
– Her bir oýunda bolşy ýaly, duşuşygyň bütin dowamynda garşydaş derwezä pökgi geçirmek meniň iň esasy islegim. Ýöne ýeňiş goly - toparyň sazlaşykly oýnunyň netijesi. Bu gol Altymyrat Annadurdyýewiň maňa geçiren ajaýyp pasyndan soňra geçirildi.
– 75-nji minutda saňa duşuşykda ikini gezek tapawutlanamaga-da ajaýyp mümkinçilik döredi, "Hujandyň" derwezewany bilen başa-baş galdyň. Bu pursatyň oňyn netije bilen tamamlanmagyna näme päsgel berdi?
– Men pökgini derwezewanyň üstünden geçirmekçi boldum, ýöne başa barmady.
– Oýundaky maksadyňyz barada näme aýdyp bilersiňiz?
– Biz diňe ýeňiş gazanmagy maksat edindik. Bu hemişe-de şeýle.
– Siz özüňiziň duşuşygyň iň gowy oýunçysy diýlip yglan edilmegiňiz bilen ylalaşýarsyňyzmy?
– Meniň pikirimçe, bu ada derwezewanymyz Mämmet Orazmuhammedow mynasyp.