Türkmenistanyň Futbol federasiýasynyň guramagynda futbol/futzal eminlerini taýýarlamak bilen bagly ýörite sapaga badalga berildi. Bu barada Türkmenistanyň Futbol federasiýasynyň resmi saýtynda habar berilýär.
1-nji iýula çenli dowam etjek okuw-seminary hepdede üç gezek geçirilip, onuň dowamynda ýaş eminlere futboldyr futzalyň düzgünleri giň gerimde düşündiriler. Eminler bilen nazaryýet sapaklaryny AFK-nyň gözükdirijisi Wadim Baratowyň geçirýändigini ýatladýarys.
