19-njy maýda «Aşgabat» stadionynyň emeli örtükli türgenleşik meýdanynda 6-12 ýaş aralygynda doglan oglan-gyzlaryň we maýyp çagalaryň gatnaşmagynda «Grassroots» çagalar futbol festiwaly geçiriler. Türkmenistanyň Futbol federasiýasy bilen BMG-niň Çagalar fondunyň (UNICEF) bilelikde guramagyndaky çagalar festiwaly 09:00-dan 11:00 aralygynda dowam eder.
Çagalar festiwalyna ýurdumyzyň dürli künjegine wekilçilik edýän çagalaryň 300 töwereginiň gatnaşmagyna garaşylýar. Festiwal barada Türkmenistanyň Futbol federasiýasynyň resmi saýty habar berdi.