Türkmenistanyň Prezidenti Gurbanguly Berdimuhamedow Ministrler Kabinetiniň Başlygynyň orunbasarlarynyň hem-de welaýatlaryň häkimleriniň gatnaşmagynda sanly wideoaragatnaşyk arkaly iş maslahatyny geçirdi. Onda möwsümleýin oba hojalyk işleriniň barşyna, welaýatlary mundan beýläk-de hemmetaraplaýyn ösdürmegiň möhüm wezipelerine garaldy.
Iş maslahatynyň dowamynda:
- welaýatlarda gowaça ekişiniň barşy, galla oragyna taýýarlyk görmek boýunça çäreler;
- ekin meýdanlarynda amala aşyrylýan beýleki agrotehniki çäreleriň alnyp barlyşy;
- şeýle hem Oba milli maksatnamasyny, ýurdumyzy 2019 — 2025-nji ýyllarda durmuş-ykdysady taýdan ösdürmegiň maksatnamasynyň ýerine ýetirilişi barada hasabatlar berildi.
Türkmen döwletiniň Baştutany hasabatlary diňläp, olar bilen bagly degişli tabşyryklary berdi.
