Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiliginiň birinji tapgyrynyň duşuşyklary geçirildi.
Onda uly hasap bilen ýeňiş gazanan “Altyn Asyr” toparynyň ýaşlar düzümi hem-de “Köpetdag II” toparlary toplan üç utuklary bilen ýaryş tertibiniň ýokarky basgançagyna geçmegi başardylar.
“Ahalyň” hem-de “Aşgabadyň” ýaşlar düzümleriniň arasyndaky duşuşyk 2:2 hasabynda deňlikde tamamlandy.
Türkmenbaşy şäherinde “Şagadam II” topary bilen geçirmeli duşuşygyna barmandygy sebäpli “Merw II” toparyna tehniki ýeňliş yglan edildi.
Ikinji tapgyryň duşuşyklary 14-nji aprelde geçirilip, onda “Nebitçi II” – “Merw II”, “Köpetdag II” – “Şagadam II”, “Aşgabat II” – “Energetik II” hem-de “Altyn Asyr II” – “Ahal II” toparlary duşuşarlar.
Geçirilen duşuşyklaryň netijeleri:
“Altyn Asyr II” – “Nebitçi II” – 4:0
Gollar: 8, 42 Rahman Myratberdiýew, 27 Begmyrat Myradow, 67 Batyr Täçnazarow (“Altyn Asyr II”)
“Energetik II” – “Köpetdag II” – 1:3
Gollar: 48 Atamyrat Ahmedow (“Energetik II”) – 31 (11 m.j.u.), 51 (11 m.j.u.) Nepesgeldi Ataýew, 62 Röwşenmyrat Ylýasow (“Köpetdag II”)
“Ahal II” – “Aşgabat II” – 2:2
Gollar: 18, 25 Wepa Myradow (“Ahal”) – 51 Şihberdi Baýnazarow, 55 Oraz Orazow (“Aşgabat”)
“Şagadam II” – “Merw II” – 3:0 (tehniki ýeňliş)
