Aşgabatda ýeňil atletika boýunça tälimçileriň gysga wagtlaýyn okuwy başlandy. Oňa ýurdumyzyň ähli sebitlerinden 20-den gowrak tälimçi çagyryldy.
Okuwyň birinji gününde leksiýalar diňlenildi. Okuwa gatnaşýanlaryň öňünde Halkara Ýeňil atletika federasiýasynyň (IAAF) lektory ― Täjigistanyň Ýeňil atletika federasiýasynyň baş sekretary Ýewgeniý Şumarin we russiýaly hünärmen Ýelena Gridasowa çykyş etdi. Nazary okuwlar Türkmenistanyň Milli Olimpiýa komitetiniň binasynda geçirildi. Okuwyň tamamlaýjy gününde bolsa Olimpiýa şäherçesindäki desgalarda amaly dersler berler.
Bu okuwlar Türkmenistanyň Milli Olimpiýa komitetiniň gurnamagynda Halkara Olimpiýa komitetiniň ýeňil atletika tälimçilerini kämilleşdirmek boýunça "Olimpiýa raýdaşlygy" maksatnamasynyň çäklerinde geçirilýär. Okuwyň ahyrynda oňa gatnaşanlara ussatlyk derejesi boýunça güwänama berilýär.
