Dagystan Respublikasynda (Russiýa) geçirilýän okuw-türgenleşik ýygnanyşygynyň çäginde Türkmenistanyň erkin göreş boýunça milli ýygyndysynyň agzalary ýeňil agramda UFC ýaryşlarynda göreşiji, dünýä belli pälwan Habib Nurmagomedow bilen duşuşdylar. Ol türkmen türgenlerine öňde duran halkara ýaryşlarda üstünlik arzuw etdi.
Şu wagta çenli başa-baş göreşleriniň birinde-de ýeňilmedik türgen geçen ýylyň 7-nji oktýabrynda esasy duşuşyklarynyň birini geçiripdi. ABŞ-ly Konor Makgregor bilen geçirilen tutluşyk jedelli ýagdaýda tamamlandy.
Ozal hem habar berşimiz ýaly, Habib Nurmagomedow Türkmenistana hem gelip görmegi meýilleşdirýär. Ol interwýularynyň birinde kakasynyň Türkmenistanda gulluk edendigini we ondan Türkmenistan barada köp zatlary eşidendigini aýdypdy.
