Birleşen Arap Emirliklerinde geçirilýän Aziýa kubogynyň üçünji gününiň - 7-nji ýanwaryň ilkinji duşuşygy Günorta Koreýanyň we bu ýaryşa ilkinji gezek gatnaşýan Filippinleriň arasynda geçirildi.
Dubaý şäheriniň "Al-Maktum" stadionynda geçirilen duşuşyk koreý futbolçylarynyň ýeňşi bilen tamamlandy.
Aziýa oýunlary - 2018-iň ýeňijileri garşydaşlaryny bary-ýogy bir pökgi bilen ýeňdiler. Duşuşykdaky ýeke-täk goly 67-nji minutda Hwang Ui-jo geçirdi. Şeýlelikde, Günorta Koreýaly futbolçylar ýaryşdaky ilkinji utuklaryny gazandylar
