Soňky habarlar

Arhiw

Türkmenistanyň Prezidenti Harby-deňiz güýçleriniň serkerdelerine, deňizçi esgerlerine, harby talyplaryna we harby okuwçylaryna Gutlag iberdi

12:2409.10.2018
0
6619

Milletiň Lideri Gutlagynda Türkmenistanyň Harby-Deňiz Güýçleriniň güni mynasybetli gutlag sözlerini beýan edýär.  “Berkarar döwletimiziň bagtyýarlyk döwründe Garaşsyz, hemişelik Bitarap Türkmenistanda gazanylýan uly üstünliklerde we ýetilýän belent sepgitlerde siziň mynasyp ornuňyz bardyr. Çünki siz deňiz çäklerimizde mukaddes we jogapkärli harby borjuňyzy ýerine ýetirmek bilen, Hazar deňziniň ygtybarly goragyny üpjün edýärsiňiz. Siz bu mukaddes borjy hemişe berkarar Watanymyza wepalylyk, harby kasama ygrarlylyk bilen ýerine ýetirip, şöhratly taryhymyzda öçmejek yz goýan beýik şahsyýetlerimiziň, merdana pederlerimiziň, ýurdumyzy goran gerçekleriň watansöýüjilik, edermenlik, mertlik, gahrymançylyk we ynsanperwerlik ýörelgelerini mynasyp dowam etdirmelisiňiz. Siziň harby gulluk borjuňyzy üstünlikli ýerine ýetirip, ata-babalarymyzdan miras galan harby deňizçilik sungatyny has-da ösdürjekdigiňize, deňiz serhedimiziň mizemezligini üpjün etjekdigiňize berk ynanýaryn” diýlip, Türkmenistanyň Prezidentiniň Gutlagynda aýdylýar.

Döwlet Baştutany sözüniň ahyrynda harby gullukçylary Türkmenistanyň Harby-Deňiz Güýçleriniň güni mynasybetli ýene-de bir gezek tüýs ýürekden gutlap, olara berk jan saglyk, maşgala abadançylygyny, egsilmez bagt, mukaddes harby gullugyňyzda uly üstünlikleri arzuw edýär.

Teswirler
Teswir ýazmak üçin içeri giriň ýa-da registrasiýa boluň