Dördünji aýlawa rowaýaty ady bilen girişen Balkanabadyň “Nebitçisi” ýurdumyzyň futbol çempionatynyň 21-nji tapgyrynyň duşuşygynda öz meýdanynda paýtagtymyzyň “Köpetdagyny” 2:1 hasabynda ýeňlişe sezewar etdi. Möwsümdäki 4-nji ýeňşini gazanan Balkanabadyň topary bu üstünliginden soň utugyny 14-e ýetirdi.
21 utugy bolan “Köpetdag” bolsa ýaryş tertibinde dördünji orna geçmek mümkinçiligini elden giderdi. Ýeňiş gazanan ýagdaýynda paýtagtymyzyň toparyna “Merwi” yzda galdyrmaga gowy mümkinçiligi bardy.
Futbol çempionatymyzyň XXI tapgyry 22-nji sentýabrda “Energetik” – “Ahal” hem-de “Aşgabat” – “Şagadam” toparlarynyň arasynda geçiriljek duşuşyklar bilen dowam eder.
21-nji tapgyryň geçirilen duşuşygy:
“Nebitçi” – “Köpetdag” – 2:1
Gollar: Serdar Tukyýew 48, 71(“Nebitçi”) – Öwezbaý Muhammetmyradow 40 (“Köpetdag”)
Duýduryşlar: Aşyrgeldi Ylýasow 17, Serdar Tukyýew 38 (“Nebitçi”) – Berdimyrat Rejebow 35 (“Köpetdag”)
Geçirilen ýeri: “Sport toplumy” stadiony (Balkanabat ş.)
Duşuşygyň emini: Ç.Gurbanow (Aşgabat ş.)
Gözegçi emin: G.Öwezow (Aşgabat ş.)
Tomaşaçy sany: 500