Türkmenistanyň Ministrler Kabinetiniň 31-nji awgustda geçirilen mejlisinde döwlet Baştutanyna wise-premýer Ç.Gylyjow döwlet Garaşsyzlygynyň 27 ýyllygyna bagyşlanan Türkmenistanyň ykdysady gazananlarynyň sergisini geçirmäge görülýän taýýarlyk işleri barada hasabat berdi.
Onda ýurdumyzyň ministrlikleri, pudaklaýyn dolandyryş edaralary, kärhanalar, guramalar, häkimlikler hem-de Senagatçylar we telekeçiler birleşmesiniň agzalary tarapyndan 70-den gowrak sergi bölümleri ýaýbaňlandyrylar. Şolarda ýurdumyzyň senagat, oba hojalygy, gurluşyk, energetika, ulag-aragatnaşyk pudaklarynda, söwda hem-de hyzmatlar, maliýe we bank ulgamlarynda ýeten derejesi, gazanan üstünlikleri öz beýanyny tapar.