Futbol boýunça Türkmenistanyň kubogy ugrundaky ýaryşyň nobatdakysy Balkanabatda badalgasyny aldy. Kubok bäsleşiginde ilki “Balkan” bilen “Tejen” toparlary özara duşuşdylar. Bu duşuşykda Türmenistanyň futbol çempionatynda çykyş edýän Balkanabadyň topary uly hasap bilen ýeňiş gazandy.
Bu toparlaryň arasyndaky jogap oýny 31-nji iýulda geçiriler. Iki duşuşygyň netijesinde ýeňiş gazanan topar kubok bäsleşiginiň çärýekfinalynda “Altyn Asyr” topary bilen duşuşmaga mümkinçilik alar.
Bu gezekki bäsleşige Ýokary liganyň 8 topary (“Altyn Asyr”, “Ahal”, “Aşgabat”, “Şagadam”, “Balkan”, “Merw”, “Energetik”, “Köpetdag”) bilen birlikde birinji liganyň wekili Tejen şäheriniň “Tejen” topary gatnaşýandygyny ýatladýarys.
Türkmenistanyň Kubogy ugrundaky bäsleşigiň çärýekfinalynyň birinji duşuşyklary 7-nji, jogap oýunlary bolsa 14-nji awgustda geçiriler.
Ýeri gelende aýtsak, Türkmenistanyň Kubok ugrundaky bäsleşiginiň geçen ýylkysynda “Ahal” topary ýeňiş gazanypdy.
Futbol boýunça Türkmenistanyň Kubogynyň deslapky tapgyrynyň birinji duşuşygynyň netijesi:
“Balkan” – “Tejen” – 8:0
Gollar: Aşyrgeldi Ylýasow 1:0, Alkmämmet Metdäýew 2:0, Akmämmet Metdäýew 3:0, Azat Garajaýew 4:0, Akmämmet Metdäýew 5:0, Ýewgeniý Tkaçenko 6:0 (11 m.j.u.), Yhlas Magtymow 7:0, Azat Garajaýew 8:0
Geçirilen ýeri: “Sport toplumy” stadiony (Balkanabat ş.)
Duşuşygyň emini: B.Haknazarow (Aşgabat ş)
Gözegçi emin: G.Öwezow (Aşgabat ş.)
