Türkmenistanyň futbol çempionatynyň 13-nji tapgyrynyň çäginde ýurdumyzyň geçen ýylky çempiony “Altyn Asyr” toparyny kabul eden “Energetik” 1:0 hasabynda ýeňiş gazandy. Toparyna wajyp ýeňşi getiren topy oýnuň 83-nji minutynda Guwanç Gurbangeldiýew öz adyna ýazdyrdy.
Bu toparlaryň arasynda geçirilen birinji aýlawyň duşuşygy 3:0 hasabynda “Altyn Asyryň” peýdasyna tamamlanandygyny ýatladýarys.
Gazanan bu wajyp ýeňşinden soň “Energetik” topary toplan 18 utugy bilen ýaryş tertibinde dördünji orna geçmegi başardy.
Milli çempionatymyzyň 13-nji tapgyry şu gün geçiriljek «Aşgabat» — «Ahal» duşuşygy bilen tamamlanar.
“Energetik” – “Altyn Asyr” – 1:0
Gol: Guwanç Gurbangulyýew 83 (“Energetik”)
Duýduryş: Rahmet Şermetow 90+4 (“Energetik”)
Geçirilen ýeri: “Energetik” stadiony (Mary ş.)
Duşuşygyň emini: S.Gurbanow (Balkanabat ş.)
Gözegçi emin: B.Atajanow (Daşoguz ş.)