Aşgabadyň “Altyn asyr” futbol toparynyň derwezewany Mämmet Orazmuhammedow Aziýanyň Futbol konefederasiýasynyň kubogy ― 2018 halkara ýaryşynyň “D” toparçasynyň jemleýji tapgyrynda “Istiklol” bilen geçirilen we 3:2 hasabynda “aragatnaşykçylaryň” peýdasyna tamamlanan duşuşykdan soňky metbugat maslahatynda sebitara ýarym finala çykmagyň şatlygyny paýlaşdy.
― Men ähli topardaşlarymy AFK-nyň kubogy ― 2018-iň nobatdaky tapgyryna geçmegimiz bilen gutlaýaryn. Biz bu ýeňiş bilen, ahyrsoňy, yklym ýaryşyndaky geljekki üstünliklerimiziň gapysyny açdyk.
