Ozal hem habar berşimiz ýaly, şu günler Türkmenistanyň woleýbol boýunça milli ýygyndysy Bangladeşiň dakka şäherinde geçirilýän aziýa çempionatyna gatnaşýarlar. Çempionatdaky ilkinji duşuşygyny düýn Gyrgyzystanyň milli ýygyndysy bilen geçiren türkmen woleýbolçylary 3:0 hasabynda ýeňiş gazandylar. Has takygy, birinji döw 25:23, ikinji döw 35:33, üçünji döw 28:26 hasabynda biziň ildeşlerimiziň peýdasyna tamamlandy.
Şu gün Türkmenistanyň ýygyndysy «B» toparçadaky ikinji duşuşygynda Özbegistanyň ýygyndysyny 3:1 hasabynda ýeňip, ýarym finala çykdy. Ertir toparçada ikinji orny gazanmak ugrunda Özbegistanyň hem-de Gyrgyzystanyň ýygyndylary özara duşuşyk geçirerler.
Ýaryşyň «A» toparçasynda Bangladeş birinji, Nepal ikinji orny eýeledi. Şeýlelikde, biziň woleýbolçylarymyzyň ýarym finaldaky garşydaşy Nepalyň ýygyndysy bolar.
Ýarym final duşuşyklary 25-nji aprelde geçiriler.
Soňky habarlar
Arhiw
Türkmen woleýbolçylary Aziýa çempionatynyň ýarym finalynda
19:2623.04.2018
0
4512
Teswirler
Teswir ýazmak üçin içeri giriň ýa-da registrasiýa boluň