Öňümizdäki ýylyň 5-nji ýanwary — 1-nji fewraly aralygynda Birleşen Arap Emirliklerinde geçiriljek Futbol boýunça Aziýa kubogyna gatnaşjak milli ýygyndylar belli boldy. 15 ýyllyk arakesmeden soňra biziň milli ýygyndymyzyň hem yklym ýaryşyna gatnaşmagy guwandyryjy ýagdaýdyr. Bije çekilşik 4-nji maýda Dubaý şäherinde bolar.
Bije çekilşigiň torbalary FIFA-nyň 12-nji apreldäki täze reýtingine görä düzüldi.
Bije çekilşigiň torbalary şeýle tertipde bolar:
Birinji torba: BAE (ýer eýeleri), Eýran, Awstraliýa, Ýaponiýa, Koreýa, Saud Arabystany.
Ikinji torba: Hytaý, Siriýa, Özbegistan, Yrak, Katar, Tailand.
Üçünji torba: Gyrgyzystan, Liwan, Palestina, Oman, Hindistan, Wýetnam.
Dördünji torba: KHDR, Filippinler, Bahreýn, Iordaniýa, Ýemen, TÜRKMENISTAN.
