Ýurdumyzyň futbol çempionatynyň dördünji tapgyrynyň birinji duşuşygy paýtagtymyzyň “Köpetdagy” bilen Mary welaýatynyň “Energetik” toparlarynyň arasynda geçirilip, deňlik hasaba alyndy.
Myhmanlaryň oýunçysy Sahypnazar Durdyýewiň 7-nji minutdaky goluna, paýtagtymyzyň topary oýnuň 72-nji minutynda Pirmyrat Sultanowyň netijeli urgusy bilen jogap berdi.
Şeýlelikde, geçirilen dördünji tapgyryň birinji duşuşygyndan soň 5 utuk toplan “Energetik” eýeleýän ikinji ornuny saklap galdy. 2 utugy bolan “Köpetdag” bolsa altynjy orna geçdi. Bu tapgyryň beýleki duşuşyklarynda “Merw” – “Aşgabat” (31.03.2018 ý), “Altyn Asyr” – “Balkan” (01.04.2018 ý), “Ahal” – “Şagadam” (01.04.2018 ý) toparlary duşuşar.
“Köpetdag” – “Energetik” – 1:1
Gollar: Pirmyrat Sultanow 72 (“Köpetdag”) – Sahypnazar Durdyýew 7 (“Energetik”)
Geçirilen ýeri: “Aşgabat” stadiony (Aşgabat ş)
Duşuşygyň emini: R. Ereşow (Türkmenabat ş)