Ýurdumyzda geçirilýän halkara sport ýaryşlaryny ýokary derejede guramaçylykly geçirmek, Olimpiýa we Aziýa oýunlarynda, dünýä we Aziýa çempionatlarynda we beýleki halkara ýaryşlarda sportuň görnüşleri boýunça çykyş etjek Türkmenistanyň ýygyndy toparlarynyň türgenlerini ýokary derejede taýýarlamak bilen bagly çykdajylary maliýeleşdirmek hem-de Türkmenistanyň ýygyndy toparlarynyň maddy-enjamlaýyn binýadyny has-da berkitmek maksady bilen, Türkmenistanyň Prezidenti Karara gol çekdi. Resminama laýyklykda, Türkmenistanyň Sport we ýaşlar syýasaty ministrliginiň gaznasy döredildi we onuň Düzgünnamasy tassyklanyldy.
