Türkmenistanyň milli ýygydysy Halkara futbol assosiasiýasynyň (FIFA) täzelenen sanawynda bir basgançak aşak düşüp, 114-nji orny eýeleýär.
Milli ýygyndymyz özüniň nobatdaky duşuşygyny Aziýa Kubogy-2019-yň saýlama tapgyrynyň “E” toparçasynyň çäginde 27-nji martda Bahreýniň milli ýygyndysynyň garşysyna geçirer. Ýygyndymyzyň garşydaşy Bahreýniň milli ýygyndysy täzelenen sanawda 125-nji orny eýeleýär. Geçen aýda resmi duşuşyk geçirmedik ýygyndymyz 292 utugy toplamagy başarypdyr.
Reýtingde dünýäniň hem-de Konfederasiýa Kubogynyň ýeňijisi Germaniýanyň milli ýygyndysy (1609) öňdäki orny eýeleýär. Ikinji, üçünji orunlary degişlilikde Braziliýanyň (1489) hem-de Portugaliýanyň (1360) milli ýygyndylary eýeleýärler.
FIFA-nyň reýtinginiň nobatdakysy 12-nji aprelde täzelener.
Çeşme: “tff.com.tm”