Soňky habarlar

Arhiw

TÝL - 2018: "Aşgabat" bir utugy iň soňky minutlarda gorady

23:5416.03.2018
0
5794

Ýurdumyzyň futbol çempionatynyň üçünji tapgyrynyň birinji duşuşygynda, ýaryş tablisasynyň öňbaşçylary paýtagtymyzyň “Aşgabady” hem-de Mary welaýatynyň “Energetik” toparlary duşuşdylar.

Geçirilen iki tapgyrda 6 utuk toplan paýtagtymyzyň toparynyň bu duşuşykda hem ýeňiş gazanjakdygy çaklanylypdy. Ýöne “Energetik” toparynyň futbolçylary birinji ýarymda örän erjel çykyş etdiler. Orta gürpde geçen birinji ýarymda “Energetik” toparynyň futbolçysy Rahmet Şermetow “Aşgabat” toparynyň goragçysydyr derwezeçisiniň düşünişmezliginiň netijesinde 16-njy minutda hasaby açdy. Şondan soň ikitarapa hem gol geçirmäge mümkinçilikler boldy. Ýöne birinji ýarymda toparlaryň hiçisine hem tapawutlanmak başartmady.

Ikinji ýarymda hem toparlaryň eden hüjümlerini derwezeçiler ussatlyk görkezip, gaýtarmagy başardylar. “Energetigiň” ýeňiş gazanjakdygy hakykata ýakyndy. Oýnuň 90-njy minutynyň dowam edýändigini nazarymyza alsak, onda ol hakykata hem ýakyndy. Ýöne “Aşgabat” toparynyň ezber oýunçysy Ilýas Minhairow oýnuň 90+3-nji minutynda toparyna wajyp bir utugy gazanmagyna getiren topy geçirmegi başardy.

Şeýlelikde, geçirilen üçünji tapgyryň birinji duşuşygyndan soň 7 utuk toplan “Aşgabat” birinji orny eýeleýär. 4 utugy bolan “Energetik” bolsa ikinji orunda ornaşypdyr. Bu tapgyryň beýleki duşuşyklary (“Ahal” – “Köpetdag”, “Balkan” – “Merw”) ertir geçiriler.

                                      

“Aşgabat” – “Energetik” – 1:1

Gollar: ’90+3 Ilýas Minhairow (“Aşgabat”) –  ’16 Rahmet Şermetow (“Energetik”)

Duýduryşlar: ’68 Baýjan Satlykow, ’86 Ibragim Mamedow (“Aşgabat”) – ’36 Muhammet Astanow, ’62 Ýunus Hurmenow, ’75 Sergeý Kuznesow, ’83 Rahmet Şermetow ("Energetik")

Geçirilen ýeri: “Aşgabat” stadiony (Aşgabat ş)

Duşuşygyň emini: Saparmämmet Gurbanow (Balkanabat ş)  

Tomaşaçy: 200                                 

Çeşme: “tff.com.tm”

Teswirler
Teswir ýazmak üçin içeri giriň ýa-da registrasiýa boluň