Soňky habarlar

Arhiw

“Buhora” – “Andijan” – 4:0 — Arslanmyrat Amanow bir gol

12:2012.02.2018
0
10534

Ýakynda Özbegistanyň “Buhora” toparyna goşulan milli ýygyndymyzyň ýarymgoragçysy Arslanmyrat Amanow täze toparyndaky ilkinji goluny geçirmegi başardy — TFF-niň resmi saýtynda ýazylýar.

Özbegistanyň futbol birinjiliginde çykyş edýän “Buhora” topary okuw-türgenleşik ýygnanyşygynyň çäginde “Andijan” topary bilen duşuşdy. Daşkendiň “Bunýodkor” stadionynda geçirilen bu duşuşykda “Buhoranyň” futbolçylary jogapsyz toplaryň dördüsini geçirdiler. Arslanmyrat Amanow toparyna ýeňiş getiren gollaryň ikinjisini öz adyna ýazdyrdy. 

1-nji martda başlanýan Özbegistanyň futbol çempionatyna taýýarlyk işlerini geçirýän “Buhora” nobatdaky ýoldaşlyk duşuşygyny 15-nji fewralda Fergana şäheriniň “Neftçi” toparynyň garşysyna geçirer.

Ýoldaşlyk duşuşygy

Daşkent, “Bunýodkor” st.

“Buhora” – “Andijan” – 4:0

Gollar: Şahboz Erkinow 1-0, Arslanmyrat Amanow 2-0, Şahboz Erkinow 3-0, Bahodir Nasimow 4-0.

Teswirler
Teswir ýazmak üçin içeri giriň ýa-da registrasiýa boluň