Telekeçi Nurgeldi Gurbanbaýewiň Gubadag etrabynda ýerleşýän çörek we konditer önümlerini öndürýän kärhanasynda guşak bulka, gülýaka bulka, guradylan çörek, halkajyk köke we «Nur» ak kökesi öndürilýär. Geçen ýylda Daşoguz welaýatynda un, çörek we çörek önümleriniň 10 müň 920 tonnasy öndürilip, bu üstünlikde telekeçi Nurgeldi Gurbanbaýewiň hem mynasyp paýy bar. Onuň ýolbaşçylyk edýän kärhanasynyň aýlyk kuwwaty 10 tonna önüm öndürmäge barabardyr.
