Türkmenistanyň milli ýygyndysynyň 26 ýaşly hüjümçisi Wahit Orazsähedow Azerbaýjanyň çempionatyndaky ilkinji duşuşygyny geçirdi. Ýakynda Azerbaýjanyň “Sabail” toparyna geçen hüjümçimiz “Keşlýa” topary bilen myhmançylykda geçirilen duşuşykda 58-nji minutda ätiýaçlyk oturgyjyndan meýdança girdi. Hüjümçimiziň meýdança giren pursadyndaky 1:1 hasaby oýnuň soňuna çenli üýtgewsiz galdy.
“Sabailde” çykyş edýän beýleki legionerimiz Elman Tagaýew esasy düzümde çykyp, oýnuň 90-njy minutynda çalşyryldy.
