Türkmenistanyň Aragatnaşyk ministrliginiň «Altyn asyr» futbol toparynyň Afk-nyň kubogyndaky topardaşy — Gyrgyzystanyň çempiony «Alaý» futbol topary Aziýanyň futbol konfederasiýasyna 20 futbolçynyň sanawyny berdi. Bu futbolçylar AFK-nyň kubogy ugrundaky ýaryşyň toparçalaýyn tapgyrynda «Alaýyň» düzüminde çykyş eder.
AFK-a berlen düzümde dört sany daşary ýurtly futbolçy bar. Olaryň biri Täjigistandan, biri Gwineýadan, biri Owganystandan, dördünji bolsa Gana Respublikasynyň raýaty.
«Alaý» yklym ýaryşyndaky ilkinji duşuşygyny türkmen futbolçylary bilen geçiriler. 7-nji martdaky şol duşuşyk Gyrgyzystanyň Oş şäheriniň A.Suýumbaýew adyndaky stadionynda bolar. Toparlar ikinji gezek 2-nji maýda Balkanabat şäherinde duşuşarlar.
Eger saýlama tapgyrdan «Ahal» ýeňiji bolup çyksa, «Alaý» bilen 14-nji martda Balkanabatda, 16-njy maýda Oş şäherinde (Gyrgyzystan) duşuşar.
«Alaý» futbol toparynyň AFK-a beren sanawy:
Derwezeçiler: Abduaziz Mahkamow (Täjigistan), Bekbolot Akmataliýew, Abdulnur Mamytow.
Goragçylar: Ilýaz Alimow, Şuhrat Rahmanow, Nursultan Atamurzoýew, Tahir Awçiýew, Akramžon Umarow, Ulugbek Ryskulow, E.Maşirapow, Arslan Gogoladze.
Ýarym goragçylar: Şohmurad Mansurow, Abror Kydyraliýew, Odilžon Abdurahmonow, Aldiýar Kabylbekow, Abduraşid Saýdrahmonow.
Hüjümçiler: Alia Silla (Gwineýa), Maksat Alimow, Amiruddin Şarifi (Owganystan), Kožo Joýel (Gana).