Türkmenistanyň Futbol boýunça federasiýasynyň resmi saýtynyň habar berşi ýaly, türkmenistanly FIFA-nyň emini Azat Hajypoladow 1-11-nji fewralda Hytaý Taýpeýinde futzal boýunça geçiriljek Aziýa çempionatynyň oýunlaryna eminlik eder.
Türkmen emini ýakynda Malaýziýanyň paýtagty Kuala Lumpurda geçirilen seminarda teoretiki hem-de fiziki synaglardan üstünlikli geçeninden soň abraýly ýaryşda eminlik etmäge mümkinçilik aldy.
Futzal boýunça Aziýa birinjiligi 1-11-nji fewral aralygynda Taýbeý (Hytaý Taýpeýi) şäherinde geçiriler
Bije çekişligiň netijesi:
— «А» toparça: Hytaý Taýpeýi, Wýetnam, Malaýziýa, Bahreýn;
— «В» toparça: Özbegistan, Ýaponiýa, Täjigistan, Günorta Koreýa;
— «C» toparça: Eýran, Yrak, Hytaý, Mýanma;
— «D» toparça: Taýland, Gyrgyz Respublikasy, Liwan, Iordaniýa.
Çempionatyň geçiş tertibine laýyklykda, toparlaýyn bäsleşikde ilkinji iki orny eýelän ýygyndy çärýekfinalda bäsleşmäge hukuk gazanýar.