Soňky habarlar

Arhiw

Hindistanda Merkezi Aziýanyň halylarynyň sergisi geçirilýär

13:2606.01.2018
0
959
"Press trust of India" agentstwasynyň habar bermegine görä, bu sergide XIX - XX asyrlarda Merkezi Aziýa sebitlerinde dokalan halylar görkezildi. 29-njy dekabrda Harringtonyň suratçylyk galareýasy 10 günlük işine başlady. Ol sergidäki 90-dan gowrak görnüşi özünde jemleýän halylar Eýranda, Türkiýede, Türkmenistanda, Ermenistanda, Gruziýada, Dagystanda, Özbegistanda, Gyzgystanda dokalandyr. "Köp ýyllaryň dowamynda dokalan bu halylara irginsiz zähmet siňendir" diýip, Denni Mehra öz söhbetiniň dowamynda belläp geçdi. Her bir halynyň keşbinde şol halkyň taryhyny, edebiýatyny, milli edim-gylymlaryny görmek bolýar. Mehranyň aýdyşy boýunça toplumlaryň uly bölegi Awstriýadan, Germaniýadan, ABŞ-dan, Beýik Britaniýadan alnandyr. Seýrek duş gelýän bu gadymy halylaryň aglabasy Merkezi Aziýa sebitlerinde ýaşaýan halklaryň döreden sungat eserleridir. "Halylar belli bir kada-kanun esasynda dokalanok, muňa garamazdan, her bir halyçy öz mähir-muhabbetini siňdirýär" diýip, gürrüň berýär. "Bu halylar üýtgeşik, syrly alamatlary özünde jemläp, guşuň nyşany - erkinligi, ynanjy, parahatçylygy, bag - baky ýaşaýşy, ýyldyzlar - synmaz umydy, göl - her taýpa-tiräniň aýratynlygyny aňladýar" diýip, Mehra gürrüň berýär. Umuman, gyz-gelinleriň arzuw-umytlary şol halylarda janlanýar. Dünýä ýüzünde seýrek duş gelýän gadymy halylara Denni Mehra eýeçilik edýär. Geljekde-de, şol toplan halylaryndan uly muzeý açmaklygy meýilleşdirýär. Çeşme: wwww.orient.tm
Teswirler
Teswir ýazmak üçin içeri giriň ýa-da registrasiýa boluň