AFK kubogynyň geçen möwsüminiň iň ökde futbolçysy saýlanan täjikleriň “Istiklol” toparynyň hüjümçisi Manuçehr Jalilow Indoneziýanyň ýokary ligasynda çykyş edýän “Sriwijaýa” toparyna geçdi. Palembang şäheriniň wekili “Sriwijaýa” toparyna argentinaly hünärmen Anhel Alfreda Wera tälim berýär.
Indoneziýanyň futbol çempionatynda milli ýygyndymyzyň ýarymgoragçysy Ahmet Ataýewiň hem çykyş edýändigini ýatladýarys. “Arema” toparynda çykyş edýän ildeşimiz toparynyň esasy oýunçylarynyň hataryna girýär.